يافهد والشوق لا ثار وأعلن الانشقاق
وأنفلت مني ولا عادلي سلطه عليه
.
من ثلاث ايام و انا على عظمً وساق
اقمع الذكرى وشوقي عسى ربي يهديه
.
خايف من الشوق والشوق مرٍ ما يطاق
ليتني مااشتاق مااسهر ولا فكرت فيه
.
والله أني داري ان المفارق حيل شاق
كل يوم اكابده .. ومر كاسه أحتسيه
.
والله اني داري ان الغلا والأشتياق
تورث بنفس الفتى شي مايِصبَر عليه
.
تورث اللوعه وظيم الحشا والأحتراق
وما يطفي نارها كون شيٍ مهتويه